الأحداث✍عادل سبادي
منتصف الاسبوع الماضي تم تسريب خبر سحب تفويض قطاع النظافة من النائب التاسع لعمدةمراكش، وبعد لقاء فعاليات جمعوية مع النائب الأول لرئيسة جماعة مراكش ، والذي فند الأمر و أدلى العديد بدلوه في الموضوع مشيرا إلى أن ذالك مجرد إشاعة و{هاتوا برهانكم ان كنتم صادقين}
هذا الصباح قرار سحب التفويض من النائب أصبح حقيقة ، واش هذا الاعفاء جاء بناءا على خطأ جسيم دارو الكابتن ماجد ولا إعفاء جاء بناءا على ضغوطات من مول شركة النظافة لي ولد أحد المسؤولين الكبار بالمغرب، بنت الباشا لي كانت تنادي و تقول لنوابها نوضو تخدمو بحال كمال و نزلو لتيران تطبيقا لسياسة القرب من المراكشيين ، بين ليلة و ضحاها أصبح رقم 9 من المحبوب لدى العمدة إلى شخص منبود وهادشي علاش.
غادي يجيو دعاة الشرعية و يقولو لينا العمدة هي صاحبة الاختصاص في منح و سحب التفويضات ، نعم نعم هي لكن مامحل المجتمع المدني خاصة والمراكشيين عامة في الموضوع ، ياك قالت البام باش تزيد القدام دبا من حق المراكشيين يسولو بنت مراكش على سبب سحب هذا التفويض من شاب خدام ليل ونهار من اجل نظافة مراكش
غادي يقولو شي وحدين راه ماجد دار شي أخطاء و خلق احتقان بين عمال شركة النظافة ، والتعدد النقابي هو السبب ،هنا غادي نجاوب ونقول أن الاجتماع مع النقابة الجديدة مولاه نائب آخر ماشي الكابتن ، و حنا عارفين كمال اول تجربة ليه سياسيا و تسييريا ، نرجعوا المجلس الجماعي الحالي النائب الأول و حتى النائب المنتمي لحزب العدالة كانو من بين المصوتين على دفتر التحملات خلال المجلس السابق ، و المحاضر كاينين .
حنا ماشي مع كمال ولا اي واحد فقط بغينا كمراكشيين توضيحات حول أسباب سحب التفويض و إلى دار خطأ مهنيا فراه هو مزال تان شوفوه فشارع. و يتواصل فمابالك بصاحب تفويض الاشغال و تفويض التعمير ومولات تفويض 950 مليون ديال محاربة الكلاب